Exposicións

Cartel Constructivismo

Constructivismo

 Outono 2017

 

 Día da Biblioteca, 24 de outubro do 2017, para celebralo a Biblioteca inaugura unha  exposición sobre o CONSTRUCTIVISMO a o fío do ciclo que sobre este tema está a  desenvolverse na Real Academia de Belas Artes.

Ademáis dos fondos propios da Biblioteca, o profesor Celestino García Braña prestou libros da súa propia colección para que puideran verse nesta exposición.

 O constructivismo aparece como un movemento creativo que foi moi eficaz para dar resposta as novas necesidades que xurdiron nas cidades rusas desde a Revolución de Outubro. Un movemento de marcado carácter social que acabou có xurdimento do monumental realismo socialista, por considerar os ideólogos soviéticos que o realismo era máis eficaz que a abstracción nun país con gran taxa de analfabetismo. Chegou a ser unha icona da URSS, o movemento artístico ruso máis coñecido en Occidente e unha referencia clara para outras manifestacións artísticas posteriores como o cubismo ou o minimalismo, pero sobre todo para a arquitectura racionalista de Le Corbussier e a Bauhaus de Gropius.

Matilde Ucelay. Para a Exposición Mulleres na Biblioteca da UDC

Mulleres nas bibliotecas da UDC

Primaveira 2014

 

Con motivo do Día Internacional da Muller, e por segundo ano consecutivo, a Universidade realiza unha serie de actividades conmemorativas. Entre estas actividades destaca unha exposición bibliográfica adicada a mulleres que traballaron e traballan nos distintos eidos da Ciencia, Tecnoloxía, Cultura e Arte.
Esta exposición bibliográfica, na que colabora esta biblioteca, inaugurarase hoxe 5 de marzo e permanecerá ata o día 28. Cada biblioteca participante céntrase en tres mulleres que destacaron no seu campo.
Na Biblioteca de Arquitectura as mulleres que seleccionamos este ano son:
Charlotte Perriand (1903- 1999, Francia ) é unha das arquitectas e diseñadoras máis influyentes do movemento modernista , introduciu a estética da “idade da máquina” aos interiores mediante obxectos decorativos utilizando materiais como aluminio, vidro e aceiro.

Denise Scott Brown (1931, Zambia) é unha arquitecta, urbanista, escritora, profesora e socia do Estudo Venturi-Scott Brown & Associates en Filadelfia. Xunto co seu marido e socio, o arquitecto Robert Venturi, son considerados entre os máis influintes arquitectos do século XX, tanto pola súa actividade como proyectistas como polos seus escritos teóricos e os seus ensinos.
Matilde Ucelay Maórtua,(1912-2008, Madrid) primeira muller co título de arquitecto en España, profesión que exerceu durante máis de 40 anos e cuxa traxectoria foi merecedora do Premio Nacional de Arquitectura en 2004.

De todas elas podedes atopar ampla bibliografía no catálogo da UDC, agás de Matilde Ucelay da que tense publicado moi pouco da súa obra.

Imaxe do profesor Plácido Lizancos Mora

Arquitectura e urbanismo no Caribe

Outono 2013

 

O profesor Plácido Lizancos Mora presentou hoxe a exposición "ÁNGULOS DE SANTO DOMINGO: a cidade colonial vista nas súas dobreces" na área de exposicións da bibilioteca.
Unha selección de fotografías que nos mostran "todolos cantos" desta cidade.
Paralelamente a esta exposición a Biblioteca realiza unha mostra bibliográfica con fondos sobre arquitectura e urbanismo no Caribe. Nela podense ver mostras de arquitectura recente xunto con informacións sobre arquitectura colonial.

Cartel da Exposición En qué estado quedarán?

En que estado quedarán?

Outono 2012

 

É o titulo da exposición coa que inauguramos este curso 2012 -13 e que nos acompañará ata o 31de outubro.
Esta mostra parte dunha invitación que fixeron artistas portuguesas de gravado a un grupo de artistas galegos a participar na creación individual dun libro de artista con probas de gravado que despois será intervido por cada un dous artistas participantes. Asi cada obra pasa a ser produto dunha creación colectiva.

Os artistas son : Miriam Rodrigues, Manoel Bonabal, Teresa Pedroso, Begoña Pastoriza, Renata Carneiro, Paz Vicente, Carmen Cierto, Julia Pintao, Inma Doval e Ceu Costa.
Paralelamente na biblioteca fixemos unha selección de libros sobre gravado que temos no noso fondo.

Imaxe de Vicente Risco

Vicente Risco : Etnografía espiritual

Primaveira 2012

 

Este é o titulo da nosa nova exposición na biblioteca. Escollimos o día de hoxe para súa inauguración por coincidir co día do libro e asi deste modo contribuir a celebración deste día tan importante.
Esta obra de Risco forma parte do volume primeiro da famosa Historia de Galicia dirixida por Otero Pedrayo publicada en Bos aires pola editorial Nós en 1962. A que agora vos presentamos é unha nova edición desta obra a que acompañan sete serigrafías de Alfonso Abelenda, Correa Corredoira, Gosia Trebacz.
Como complemento da exposicíon fixemos unha apunta bibliográfica sobre etnografía en Galicia e ademáis engadimos algunhas das serigrafías que aparecen na obra "Etnografía :cultura material de Xaquín Lorenzo Fernández da cal xa fixemos anteriormente outra exposición na biblioteca.
Con estas actividades pretendemos difundir o rico catalogo bibliografico que posúe a biblioteca e que por motivos de conservacion non pode estar na sala para consulta directa

Imaxe de Eduardo Chillida, exposición da Biblioteca da ETSA

Eduardo Txillida.

Fondo Marin.

Recuperado da Wikipedia.

Dereitos: CC BY-SA 3.0.

Eduardo Chillida. Sobre lo que no sé

Inverno 2011/2012

 

Na biblioteca preparamos unha pequena exposición cunha selección dalguns dos dibuxos que compoñen esta obra de Eduardo Chillida co afán de dar difusión a fondos que por non poder estar en acceso libre podan ser contemplados por todos os nosos usuarios.
Esta obra recolle en tres libros todos os escritos que Chillida realizou ao longo da súa vida acompañados por 60 reproducións facsimilares de debuxos seleccionados polo Museo Chillida-Leku. Máis información pódese atopar na web da obra.